لحــــظة لــــــقاء

فاتت سنين ..








من العمر
وآنا أنتظر ..!
حدر الأسى
فوق الصبر
على وعسى ليل السهر
يرقى على متن الهوى
ويرمي علي من الهناء
لحظة لقاء !
بيني أنا ونور القمر
مثل السماء
وغيم المطر
بعد النوى !

***

لحظة لقاء ..
ما تنتهي
فيها الحزن .. والأ الشجن !
فيها الوفاء .. والأ الجفاء !
لحظة سكون .. والأ جنون !
لحظة شتاء .. والأ دفاء !
هذا أبد ..
ما هو بمهم
اللي مهم
عندي أنا ..
هو اللقاء !
كيف يحصل لي ويلتم ؟
شمل معا الوقت أفترق
ثم أحترق
مثل الدخون !
اللي تلاشى وأنتهى !

***

لحظة لقاء ..
مرت على شط الحلم !
فيها الغضي
يمشي ورى الحلم الوهم
مثل اللحن
يمشي ورى عذب النغم
فوق الوتر !
اللي على العود الجريح
اللي مع النغمة يصيح !
ليه الجفاء ؟
وين الوفاء ؟
كيف الهوى ؟
يمشي ورى عمر السنين !
شوق وحنين !
وآنا وحبيبي
ننتظر
لحظة لقاء..!ــ

يسلموووو على هده الكلمااااات الرااائعة

تسلمي ميمي على الكلام الرائع
واصلي تميزكي