موضوع: @@انا مع المنتخب الوطني مهما كانت النتيجة . من معي @@ الثلاثاء 12 يناير 2010 - 12:31
ا
المهم انا بالنبة اليا الخسارة عادية نورمال كل منتخب قادر يخسر اللي غاضني هو تحول الجمهور الجزائري في رمشة عين ضد المنتخب و انا لا اقول كل الجمهور انما اشباه الجمهور برك العوامل المتسببة في خسارتنا هو استهزاءمن اللاعبين وهذا عادي لانهم موندياليون و طلعو شوي رجليهم فالسماء و ان شاء الله يحطو رجليهم زيد صايفي مانعرف علاه دارو اساسي زيد المناخ غير مساعد كيما يبدة و غزال لاول مرة يحسو ب 40 درجة حرارةو 90 بالمئة رطوبة رغم ذلكتحركو شوي و ماعليش نيجيريا في 90 لعبت اول ماتش خسرت ب 5 اومبعد طلعت للنهائي و قريب ربحت على كل المجموعة في متناولنا لحد الان لانو مالي و انغولا دارو تعادل فقط قادرين نوليو فالمنافسة بركديرو ثقة فالمنتخبو ماتخرجوش عليه في اولخسارة من مارس اللي فات و انا مع الخضرة ملاحو لا مش ملاح و للابد و اللي شاف روحو راحيسبهم و لا حاجة مايردش خير
موضوع: رد: @@انا مع المنتخب الوطني مهما كانت النتيجة . من معي @@ الثلاثاء 12 يناير 2010 - 12:45
انا معك لمين واوافقك الراي واتمنى الفوز في المقالبلات الاخرى باذن الله
taki-eddine
مشاركات : 1128 نقاط التميز : 1364
بطاقة الشخصية الاوسمة: الهواية: ممارسة الرياضة و العمل على الانترنيت السيرة:
موضوع: رد: @@انا مع المنتخب الوطني مهما كانت النتيجة . من معي @@ الثلاثاء 12 يناير 2010 - 12:55
يعطيك الصحة خويا لمين كي عطيتنا فسحة باش نهدرو شويا على الماتش ناس ما تفهم في الكرة والو وتهدر وخلاص انا صبح دوست مع صاحبي كان ينقد في سعدان واللاعبين وهو ما يفهم والو وزيد ماذا بيكم تدعو ل صايفي باش يروح يحج لخاطرش ولا شيخ نتاع 60 سنة ما تتقلقوش خاوتي مازال ليسبوار وان شاء الله نكاليفو لدوزيام تور وزيد هدي الخسارة حاجة مليحة للاعبين باش يديرو القلب والمثل يقول * اضربو يعرف مضربو*
موضوع: رد: @@انا مع المنتخب الوطني مهما كانت النتيجة . من معي @@ الثلاثاء 12 يناير 2010 - 18:36
بارك الله فيك خووو مام انا راني ماعك يا شريكي وتحيا الجزائر رابحة ولا خاسرة وهاذو الغاشي لي راك تهدر عليهم كامل ولاد البارح حط روحو يعرف البالون واليوم يجي ويطح لي جوار والله عيب عليه صح الخسارة مؤثرة مي ماعليش هذي هي البالو ومزال ليسبوار وان شاء الله كاليفي
عادل
مشاركات : 3975 نقاط التميز : 4718
بطاقة الشخصية الاوسمة: الهواية: مشجع فريق برشلونة حتى النخاع..مشاهدة التليفزيون..قراءة القصص السيرة:
موضوع: رد: @@انا مع المنتخب الوطني مهما كانت النتيجة . من معي @@ الثلاثاء 12 يناير 2010 - 21:08
شكرااا لمين على الموضوع و على فتح المجال للتحدث عن المقابلة فجأة نسينا أن نفس هؤلاء اللاعبين و نفس المدرب أهدونا أحلى هدية و هي التأهل الى نهائيات كاس العالم و على حساب من.....على حساب مصر.....هدية غالية كادت تكلفهم أرواحهم.....لكنهم اصروا على اللعب و اهدائنا الفرحة.....ليس هكذا نرد الجميل..... لسنا المنتخب الأول الذي ينهزم أمام فريق أضعف منه بكثير.....الأرجنتين بميسي و خسرت منذ بضعة اشهر امام بوليفيا ب6-1 و لا شيء حدث.....انجلترا و ما أدراك لم تتأهل لكأس أوروبا الماضية..... اللي يحب بلادو يحبها كي تربح و كي تخسر.....و هؤلاء اللاعبين و هذا المدرب بحاجة الينا و الى دعمنا أكثر من أي وقت مضى......لذلك الآن فقط جاء دورنا و يجب أن نكون بجانبهم حتى و لو أقصينا...... صح بلاك المدرب دار غلطات ولكن لا ننقلب عليه 360درجة كيما صايفي كان ميدخلوش لخاطر عندوا مدة ملعبش و راهو ناقص مقابلات و زيد كبر فالعمر و مع المناخ لي كان لا يوصف .... وان شاء الله فالمقابلات الباقية نحطو رجلينا في الارض ومعاك يا الخضرا معاك يا دزاير
نهى
مشاركات : 4707 نقاط التميز : 4865
بطاقة الشخصية الاوسمة: الهواية: المطالعة الأنترنات الرياضة الكتابة السيرة:
موضوع: رد: @@انا مع المنتخب الوطني مهما كانت النتيجة . من معي @@ الأربعاء 13 يناير 2010 - 7:06
انا توجور معاك يا الخضرة معاك يا الدزاير وتحبو الصراحة انا كي كنت نتفرج في الماتش شبعت ضحك ومزعفتش غير شاوشي لي قلقني زوقلتلهم انا كنت نتفرج في مسرحية كوميدية دراماتيكية هذا مكان ان انو اللعبين استهزء بالمباراة وان شاء الله متتكررش هذي الغلطة منهم معاك يا الخضرة توجور انت مونامور
موضوع: رد: @@انا مع المنتخب الوطني مهما كانت النتيجة . من معي @@ الأحد 17 يناير 2010 - 17:05
الله يبارك عليكم ركم فرحتوني راكم كامل وقفين مع الخضرا مهما كنت النتيجة للعلم فلقد تم طرد صحفي الفتنة الذين كانو يستغلو المنتخب الوطني لضروف شخصية وخير مافعلى الشيخ سعدان وهو مقاطعة الجرائد الجزائرية التي تريد ظرب استقراره باخبار كاذبة ومنافقة وان مهما حصل فانا مع المنتخب الوطني وان شاء الله يفرحونا غدوا مع انغولا قلو امين
الثلاثاء 12 يناير 2010 - 12:31
