اللي ضربك انت ضربك على الملعب البلدي الله لا خدموه قع
تخص بزاف صوالح قبل الملعب البلدي وزيد بزيادة
كش لاعبين صحاح ولا مسؤولين على فريبق المناصرية راهم يخدمو من قلبهم كامل يخدمو ويديرو في جيوبهم حنا نحتاجو في تابلاط وسائل ترفيه اللي تنسي الشباب في
الفراغ والفيد اللي راه يعيشو الشباب التابلاطي
نحتاجو السكن الاجتماعي بش الشباب الضايع يفكر ويكون لو امل بش يبني المستقبل تاعو
نطلبو مصانع للبلاد بش ترجع تنتج والشباب يستفاد من مناصب عمل
نطلبوا بش يعطو للشباب التابلاطي ذوي الخبرة واللي عندهم بلومات وماهلين
بش يعطوهم قروض مصغرة بش يعاونو رواحهم
نطلبو منهم بش يتهلاو في البيئة والطبيعة راهم قطعو اشجار الكاليتوس كلها والناموس
مالقاش وين يروح لان الاشجار اللي كان متخبي فيها باعوها وكلاو دراهمها وخلاو للشعب الناموس هجم عليه في البيوت نطلبو بش يداوو هاد الناموس اللي راه يشكل خطر على صحة المواطن التابلاطي نطلبو بش الجمعيات اللي راهم مشكلينها جماعات من الشباب بش يتحركو ماشي دايرين الجمعيات لخدمة مصالحهم وفقط لازم يكون هناك تحرك منهم
ويتدخلوا في اي شيء يكون لصالح المدينة باكملها لازم التوعية من هاذ الجمعيات
لازم يكون هناك صندوق مالي بلدي لمساعدة الشباب على الزواج
لازم يديرو حل لضياع الشباب والمراهقين
نطلبوا من المعلمين في المدارس بش يخدمو خدمتهم نورمال ويربو التلامي ويوعوهم كما كانو الاساتذة زمان يوعونا وينبهونا وحتى يضربونا لمصالحنا
نطلبوا من كل سكان مدينة تابلاط كبيرهم وصغيرهم بش كل واحد يهتم بالمحيط البيئي امام بيته وكل واحد يغير اي شيء يشوفو لا يكون في صالح المدينة ومازال ومازال بزاف من طلبات اللي ماتخلاصش والموضوع مازال مفتوح للنقاش
الجمعة 25 مايو 2007 - 19:02
