كرسي الاعتراف العدد الخامس ضيف الشرف الاخ عــــ ادل

HAMS_EL_7ANIN كتب:: ماهو اللون الذي تحبه, و ماهي الصفة المحبوبة عندك, وماهي أروع كلمة عندك,كلمة تحب أن تقولها,كلمة تحب أن تقال لك.

احب اللون الازرق
الصفة المحبوبة عندي هي التواضع
اروع كلمة عندي هيا ان تقولي لي شيء لكن يكون من قلبك و ان تكون صادقا معي
احب ان اقول الله يسترك و يحفظك
الكلام الذي احب ان يقال لي دعاوي الخير

سؤالي بسيط وهو
ماذا يعني لك منتدى تابلاط مزغنة
تحياتي لك

نسرين كتب:: سؤالي بسيط وهو
ماذا يعني لك منتدى تابلاط مزغنة
تحياتي لك

نقولك حاجة وهيا الاجابة نتاعي
الصفحة الرئيسية لي دايرها كي نفتح الباجات نتاع الانترنات هي صفحة المنتدى
والتعليق يرجع ليك نسرين

اوكي شكراااااااااااا على الجابة
ان شاء الله نكون ماثقلتش عليك بالسؤالي
تقبل تحياتي اخي

نسرين كتب:: اوكي شكراااااااااااا على الاجابة
ان شاء الله نكون ماثقلتش عليك بالسؤالي
تقبل تحياتي اخي

بالعكس نسرين حسيت بلي كانت اسئلة قليلة وكنت نستنى فيها اكثر من هذه
ههههههههههههه
وانا ايضا تقبلي تحياتي

فاكهة تفضلها؟؟؟؟؟؟؟
مشهد رائع من حياتك تريده ان يتكرر ؟؟

تحياتي لك عادل

عادل ان نقولك
شحال تلبس في صباطك
تدير الجال ولا ما تديرش
قريب تدير الدار ولا مازال
تقبل تحياتي

شكرا على الاجابة,أستسمحك لأنها جاءت متأخرة ,أنت رائع , وشخصيتك أروع تفوق الخيال,جزاك الله من كل خير يا دعدوع(عادل)

دخلت في قلبي باللون الأزرق يا غالي ابن الغاليين.

بارك الله فيك على الأجوبة .

امونة كتب:: فاكهة تفضلها؟؟؟؟؟؟؟
مشهد رائع من حياتك تريده ان يتكرر ؟؟

تحياتي لك عادل

الفاكهة التي افضلها هي التفاح
المشهد الرائع التي اريده ان يتكرر هو الرحلات و التخييم وكي نقعد قدام البحر فالليل و نشوف النجوم منظر شباب بزاااااااف

شكرااا على الاسئلة

saggari كتب:: عادل ان نقولك
شحال تلبس في صباطك
تدير الجال ولا ما تديرش
قريب تدير الدار ولا مازال
تقبل تحياتي

ههههههه خالد انت وحدك
نلبس 41 رجلي متوسطين ماشي كبار بزاف
ـــــــــــــــــــــــــــــــــــــــ
الجال ندير بصح منكثرش منوا انا اصلا شعري رطب ندير مرة في الثلاثة ايام
والمرات الاخرى ندير غير الماء بصح نبان بلي راني داير الجال هههههههه
وكاين ناس ميأمنوش كي نقوللهم راني داير غير الماء
ـــــــــــــــــــــــــــــــــــــــــــــــــــ
ههههههههههه كي يلحق الوقت راكم كامل معروضين
تقبل تحياتي

HAMS_EL_7ANIN كتب:: شكرا على الاجابة,أستسمحك لأنها جاءت متأخرة ,أنت رائع , وشخصيتك أروع تفوق الخيال,جزاك الله من كل خير يا دعدوع(عادل)
دخلت في قلبي باللون الأزرق يا غالي ابن الغاليين.

بارك الله فيك على الأجوبة .

ولك جزيل الشكر على الاسئلة التي قدمتها لي.وانت الاروع.واتمنى ان اكون عند حسن ظنكم بي
وجزاك الله كل خير كذلك و ربي يخليك لينا يا رب
واللون الازرق لون السكينة و الهدوء
بارك الله فيك يا همس الحنين
تقبلي تحياتي

عادل ماعيتش من الكرسي ههههههههه عييت في بلاصتك
ايا هاك واحد
ماهي امنتيتك التي تتمنى تحقيقها في المستقبل
تحب نزيدلك وحد ولا مكالاه
هههههههههه ايا باااااااي خويا

الاسئلة كامل داوهم
سؤال واحد
مين اصلك؟؟؟

نسرين كتب:: عادل ماعيتش من الكرسي ههههههههه عييت في بلاصتك
ايا هاك واحد
ماهي امنتيتك التي تتمنى تحقيقها في المستقبل
تحب نزيدلك وحد ولا مكالاه
هههههههههه ايا باااااااي خويا

هههههههه بديت نعيا نسرين بصح بلعكس فرحتني الاسئلة نتاعكم و حسيت بالاهتمام نتاعكم ليا
وهذا كله شرف لي التواجد بينكم
ـــــــــــــــــــــ
الاماني نتاعي شوفي نسرين انا منيش طماع بزاف
نحب نكون مستقر و مهني يعني مرتاح نفسيا
وهذي اكبر نعمة لي بلاك تكون فالانسان
ــــــــــــــــــــــــــــ
كيما تحبي راني هنا باش نجاوب عليك و على كل الاعضاء هههههههه
مع السلامة نسرين

في الاخير ان شاء الله تكون الاجابة نتاعي ليكم مقنعة
وهذي الاجابة نتاعي بكل صراحة
تحياتي اليكم جميعا من اداريين و مشرفين و اعضاء
ونقوللكم هذا المنتدى نعمة كبيرة علينا ورانا كامل اسرة واحدة يجمعنا كل الحب و الاحترام
بيننا.والشيء الاجابي انه كلنا نفرح لفرح اي عضو معنا و نحزن لحزن اي عضو
وهذا قليل وين تلقاه فالمنتديات والصراحة و الارتياح كي تكون فالمنتدى
شيء رائع لا يقدر باموال الدنيا لان الاشياء المادية مرة معاك و مرة ضدك
بصح كي تكون مرتاح في وسط كيما المنتدى لي راهو جامعنا في بيت واحد
والله نعمة كبيرة.والاعضاء كامل راكم الله يبارك بدون استثناء
ونقوللكم حاجة برك هذا المنتدى رانا كاامل مشرفين فيه و المسؤولية تقع على الجميع
بغض النظر على الاوسمة التي تعلوا الاسماء
وان شاء الله دايما نكونوا عند حسن الظن
وربي يخلينا لبعضانا البعض
ودائما نسعى للافضل والاحسن
شكراااااااااااااااااا

» كرسي الاعتراف العدد السابع ضيف الشرف HAMS_EL_7ANN
» كرسي الاعتراف العدد الثامن ضيف الشرف : مريم
» كرسي الاعتراف العدد التاسع ضيفة الشرف gege
» كرسي الاعتراف العدد الثاني ضيف الشرف الاخت نسرين
» كرسي الاعتراف العدد الثالث ضيف الشرف اميرة الورود