♥ ۝قصيدة حب باللهجة الجزائرية ♥ ۝

مرحبا شباب... جبتلكم اليوم قصيدة حب باللهجة الجزائرية
ولكن تحمل معاني سامية وأتمنى أنها تنال إعجاب الجميع يارب.
أترككم مع القصيدة...

قصيدة الحب

لله احكيلي على الحب وقولي برك وين نلقاه

راح نحاول باش نجاوب كيفا ش انا نشوف معناه

ودير في بالك هاذ الحب مراكش وحدك حاصل معاه

شحال من واحد راه يتعذب والحل ديالو مزال ما لقاه

مايفيدوش معاه تجارب مايفيد ملك ولا جاه

إشحال طوع من محارب وحسرة شحال من فارس بكاه

شحال مسلطان عشى مذبذب سمح في ملكو وراح معاه

شحال من بيت عشى رايب دخل فرق ناسو وخلاه

وحصرا شحال من واحد هرب وخلى ولادو يبكو موراه

شحال من شاب شحال من شايب شحال من واحد الحب عماه

لحق حتى ولا يضرب ولادو ،زوجتو أو يمّاه

يالي سألتني على الحب على ما نضن والعلم لله

قلبك هو اللّي راه مخرب وما راكش عارف حتى وين راه

دير في بالك ذاك الحب الي يهرب و تجري موراه

و لما يجري أنت تهرب عمرك ما راح تتلاقى معاه

على خاطر هذاك لعب مديور للي يتبع هواه

ما تنال منو غير التعب ديرو كيما خيالك و انساه

فرغ قلبك و عاود رتب و خلي عقلك يخدم معاه

و قبل ما تحب لازم تحسب باش كي تمدو تمدو لمولاه

هيا نبداو من أول حب ….أول حب هو الله

الي عطالك هذاك القلب الي راك تحوس باش تملاه

و لوكان برك ليه تقرب أقرب منك رايح تلقاه

كلما تحصل قولو يا رب وهو يقولك راني الاه

و بعدو يجي ثاني حب هو حبيبنا و حبيب الله

عليه الصلاة و السلام تعب باش صفى قلبك او نقاه

حبو عليا و عليك واجب سعدو الواحد للي بغاه

يحشر المرئ مع من احب تخيل روحك قاعد معاه

و من بعدو يجي ثالث حب أنه الواحد يحب يماه

تسع شهور و هو يتقلب وهي مسكينة تتقلب معاه

سنين و سنين و هي تتعذب وين يطيح يلقاها حداه

حتى نهار يولي شايب يبقى طفل في عيون يماه

ومن بعدها يجي رابع حب أنو الواحد يحب باباه

لأنه خرج من بين الصلب و الترائب الي جواه

شحال شقى و شحال تعذب باش كبر و باش رباه

ابن ادم وكل ما كسب هو ومالو ملك له

و من بعد خامس حب هو الشريك لي تعيش معاه

دير في بالك نهار تتحاسب نصف الدين هو تلقاه

تعيش معاه بلي كتب و تتقاسمو كل شي انت وياه

وتتعاشرو و معاه تنجب طفل صغير لعقايب تلقاه

وهذاك الطفل سادس حب ماتحبش ولد دون سواه

سبعة داعب و سبعة أتعب و سبعة صاحب دور معاه

ومن بعد يجي سابع حب من رحم واحد انت وياه

خوك خوك لايغرك صاحب حتى الصاحب في الشدة تلقاه

وهذاك الصاحب ثامن حب تتقاسمو كل شي انت وياه

تتعاشروا فالخير والواجب يظللكم ربي انت وياه

وتاسع حب هوما الأقارب الرحم ديالك ما تنساه

ومن بعد يجي عاشر حب جارك الي تسكن حداه

والمريض لي راه يتعذب دقيقة واحدة اقسمها معاه

طل عليه إذا كان تحب ربي سبحانه ثم تلقاه

او اليتيم الي فقد الأب ولا حتى الي فقد يماه

امسحلو راسو وابدا تحسب في كل شعرة أجر تلقاه

والفقير الي ما كسب و الي ما لحقش قوت عشاه

واش راك تاكل واش راك تشرب ؟ يالوكان خبزة اقسمها معاه

ومن بعدهم تقدر تحب كل مومن في طريقك تلقاه

لانو ربي سبحانو كتب المومنين خاوة في الله

يالي سالتني على الحب بالنسبة ليا هذا معناه

ايلا ما عجبكش الله غالب روح تحوس وين تلقاه

مشاركات : 194 نقاط التميز : 197

شكراااااااااااااااااااااااا

سمسومة كتب:: شكراااااااااااااااااااااااا

العفو اختي شكرااااااا على المرور

merciiiiiiiiii

ههههههه شكرا على القصيدة

حمزة وسام شكراااااااااااا على المرور

ههههه شكرا لك لمين واش من الحب بقى في هذا الوقت ؟؟؟

SaiD dZ كتب:: ههههه شكرا لك لمين واش من الحب بقى في هذا الوقت ؟؟؟

العفو اخي سعيد اقرا القصيدة مليح تفهم الحب لي بقى في هذا الوقت

واااااااااااو تعريف بكل معنى الكلمة لهذا اللفظ الصعيب الفهم عند الكثير من الاشخاص
شكرا على القصيدة المعبرة

نهى كتب:: واااااااااااو تعريف بكل معنى الكلمة لهذا اللفظ الصعيب الفهم عند الكثير من الاشخاص
شكرا على القصيدة المعبرة

العفو نهى شكرااا على المرور نورتي الصفحة

لمين كتب:

نهى كتب:: واااااااااااو تعريف بكل معنى الكلمة لهذا اللفظ الصعيب الفهم عند الكثير من الاشخاص
شكرا على القصيدة المعبرة

العفو نهى شكرااا على المرور نورتي الصفحة

الموضوع منور بكاتبو شكرا للمتابعة

» أردت أن أقدم لكم اخواني قصيدة باللهجة الجزائرية
» ♥ ۝ ما هو أسوأ هدف تلقاه شباك الخضر جعلك تحزن حزنا شديدا♥ ۝
» ♥ ۝التطريز بشرائط الستان فديو مهدى الى كل بنات المنتدى ♥ ۝
» ۝ ♥ فروض + اختبارت فيزياء للفصل الاول لاصحاب البكلوريا۝ ♥
» ♥ ۝ نصائح مهمة لك ايها الطالب ۝ ♥ هدية للاخت وسام