الخضارين في تابلاط حاجة تهبل

اليوم حبيت نحكي على وحد الضاهرة رانا نشوفوها في سوق الخضر والفواكه بمدينتنا تابلاط وهي لما الواحد يروح يشري الخضرة ولا الفاكهة في سوق المدينة مثلا تقول للخضار شحال الطامسون اي البرتقال يقلك 100 دينار تقلو اعطيني زوج كيلو نهار يوزنلك يقلك جاو 220 دينار يعني بالعاني يزيدلك ويقلك جاو بالزيادة ورجعو كامل هكذا ياهل ترى هل تفسير لهذا الامر انا حبيت ندي زوج كيلو علاش يعطيني الزيادة ويديروها بالعاني حتى رجعت نكره من هذا نبدل للآخر نزيد نلقاهم كامل كيف كيف ربي يستر وخلاص حبو ياكلونا حبو يشومرونا كرهونا في حتى بش نتقوتو

ربي يستر وخلاص ماخلاوناش نتمتعو بالفريكات لي في جيوبنا

مي انقولكم حاجة الخضرة تاع تابلاط فور مهما اعطاك الخضار تاع تابلاط خير من الاربعا ولا الدزاير ولا اي بلاص و زيد نقية و مام السومة مليحة......الحقيقة

مي انقولكم حاجة الخضرة تاع تابلاط فور مهما اعطاك الخضار تاع تابلاط خير من الاربعا ولا الدزاير ولا اي بلاص و زيد نقية و مام السومة مليحة......الحقيقة

السردين ومسلكش من ليلونتي بلاد العجب وشعب العجب

مزغنة الطريق الوطني رقم 8 حب يقول الخزريات والفواكه مهيش موجهة للفقاقير موجهة لاصحاب الدلاللير

سعر الخضر والفواكه بتابلاط وكانك بالجنوب الجزائري غالية بزاف وضعف سعر سوق الاربعاء والكاليتوس