قالك هادي الدنيا مرة و كل واحد كيفاش الضربة جات

قالك هادي الدنيا مرة و كل واحد كيفاش الضربة جاتو
كاين لي يحب من قلبو و غدرة لحبيب راهي بكاتو
و كاين في الوقت الشدة لقى روحو وحدو هادي الصحبة لي غدراتو
كاين لي وكلاتو و لبساتو .و في قصور كبيرة سكناتو
و كاين لي مشتاق لقمة .و زادت للمزيرية رماتو
و كاين لي عاش وحيد و حزين .من شوفت والديه حرماتو
و كاين لي عايش يتيم و يتفكر كل يوم والديه لي ماتو
و كاين حاب يقطع لبحور و مخلي يماه لي رباتو و كبراتو
و كاين لي مرتو تحكم فيه على جالها رمى يماه لي ولداتو
و كاين لي راه عايش فلغربة من فراق والديه كره حياتو
و كاين لي رفد والديه على جالهم سمح في كامل حياتو
و كاين لي قرى كامل حياتو و الله غاب بلادو حقراتو
و كاين لي مرمي فلحبس و الدولة هي ضلماتو
و كاين لي مريض مرمي في سبيطار يتمنى الموت خير من حياتو
و كاين لي يسرق الغاشي و الناس على جال الزطلة لي هبلاتو
و كاين لي دخل في وسط لمافيا و شر العباد هادي الخلطة مين وصلاتو

و كاين و كاين و كاين و ما يحس بلجمرة غير لي كواتو

وكاين الي الدنيا غراتوا باع اصلوا وحياتوا .
وزطل تكيف وزنى وزاهي بغلطاتوا
وكاين الي قرا وتعلم وطاع الوالدين وزاهي في الدنيا وبالحسنة تختم حياتوا

شكرا لك اخي لمين على الواقع الذي نعيشه في كلمات تدمع لها العين وهاذي من عندي الان سامتبها من افكاري
وكاين لي حاط روحو يخشي للناس ومافاق بلي نفسو غلطاتو

والله يا الشعر
راكم مقيوسيين بزاااااااااااااف
وانا نقول
و كاين الزوالي عايش و يحمد ربي على لقماتو

والله يا الشعر
راكم مقيوسيين بزاااااااااااااف
وانا نقول
و كاين الزوالي عايش و يحمد ربي على لقماتو

و كاين لي ما شبعش النوم يخدم على وليداتو
وو كاين اللي عايش ب الجوتابل في لبساتو

» ههههه هادي فور
» تفكير تاع واحد محشش
» هي الدنيا
» مادا لو بقي رجل واحد في العالم ؟؟؟؟؟؟
» كل واحد يقوللنا على من ينتخب