بكيت يوم شفت الدنيا انقلبت

بكيت يوم شفت الدنيا انقلبت
وبقيت ليالي وانا في حوالها نفكر

كنا هانيين اليوم الشمس غابت
بقى الظلام في القلوب شكون يصبر

كاينين النجوم اللي من السما وطاحت
والقمر زاد اتعمى ماقدرش يخزر

حتى لجبال من الرياح رابت
البحر ناوي يهيج يا الله وستر

الرجلة في ذا الزمان مشات غابت
مابقى والو غير اللسان يهدر

الدنيا ظلامت منين السوايع دارت
الذلال عايشين والرجال مدفونين في قبر

غابت الامان اليوم راها اتحرقت
وجميع من شافها يبقى بحالي مدمر

في ذيك اللحظة اللي الطيور كل هجرت
مابقى في الغابة غير اللي جناحو مكسر

هبت رياح وهاج البحر
طلعت النور رابلها البنيان

بابور النجدة زاد انكسر
الفاهم راهو حيران

لرياح جات مخلطة بلمطر
حملت سدود حملت الويدان

حتى في الغابة تعرات الشجر
وشجر الكاليتوس ارجع عريان

الوحوش خرجت الكل من الوكر
شوف واش اصرا للحيوان

السبع استدعى في الحين النمر
قلو كيندير يامول الشان

قلو خايف من الجوع والفقر
خايف لو تهيج علينا الفيران

النمر قلو ماعليك غير بالصبر
راني داير كلشي في الحسبان

الراي راينا محال ينقهر
شكون يعصي لسياد الشجعان

اللي نطق بكلمة يسكن القبر
ولله خبرو مايزيد يبان

هكذا تفاهمو لثنين على الغدر
هي وجيوش قايدها الضربان

لكن انساو ماداروش حسابهم للنسر
زين الهدة طويل الجنحان

الوحوش سمعت وشاع الخبر
والنسر ناض يشعل في النيران

السبع حس بصهد الجمر
انخلع كي شاف بعيانو الدخان

النسر لم طيور وهجر للقمر
وعلق في كل شجرة بيان

جماعة جيوش محال تنحصر
قتل الثعالب خوف الغزلان

جيوشو راهي صادمة غير بالشبر
وحالفة توصل لعرش السلطان

شفت بعيني المعزة حبت ترجع غزال
والعقرب على الذبان تتباهى بسنها

البقرة زاد عشقها للفيال
الزرافة غطات الغيب بظلها

الشادي قال للرتيلا انسجيلي السروال
باغي الخرفان بزينو باش يقيسها

النسر جمع طيور وليهم قال
لازم نكون في الغابة انا حكيمها

السبع بعد ما كبر دم نيابو سال
واللبة زهات مع الثعلب حبيبها

الشي اللي فكرت فيه الليالي طوال
وعلاش وعلاش الغزلان اليوم صبحت تبيع زينها

» لا تحب الدنيا لأن
» هي الدنيا
» كلم اي حد في الدنيا
» // من هنا ستبتهج لك الدنيا //
» ما هيا الدنيا عند الله عز وجل