السلام عليكم ورحمة الله وبركاته
لكل الذين يبحثون عن عمل من ابناء تابلاط الذين لم يجدو منصب عمل
ارواح هنا مناصب عمل شاغرة استناو شوفو المناصب العمل هادي كيدايرة
مع ان مدينتنا تشتهر بالاراضي الفلاحية اعطيكم الحل لكي تصبحون بين ليلة وضحاها كلكم بمنصب عمل
شوفو يا الخاوة ما نكثروش الكلام اللي مالقاش عليها وين يدرق راسو يخدم ولا اللي يتكبر على الخدمة
مازاللو حل واحد الا وهو يخدم الفلاحة هاد الكنز اللي خلاوهلنا جدودنا وحنا فرطنا فيه بالبزاف ورانا مفرطين فيه
وناسيينو لازم نخدمو الفلاحة وننهض بالفلاحة بمدينة تابلاط لازم ازمة البطاطا نقضو عليها نهائيا
لازم البطاطا ترجع تدير في المارشي ستين دورو برك ويلا راكم حابين ترقدو ارقدو انا ما عندي ما نعطيكم منصب عمل
بعد هذا المنصب اخدم ارضك يا خويا حتى واحد ما يبكي عليك ب
عض الناس نهار يشوفو الواحد فلاح ربما يضحكو عليه :bom:
ولكن هذاك الفلاح اللي يضحكو عليه راه لقى بش يسد قوتو بعرق جبينو
وكي ياكل من عرق جبينو هاديك اللقمة يلقاها بنينة وحلوة لانو تعب عليها
ما جابش هاديك اللقمة بالتبلعيط والتنوفيق والكذب والحليف الفلاح هدا هو
الكيس يعني القافز والجايح هذاك اللي يلقط الحجر ومن بعد يصبغو ويروح يبيعو ويربح فيه :drunken:
المهم انا راني عطيت النصيحة والباقي عليكم تفكرو وتلقاو كلامي صحيح
وانا اولكم ديجا الاسبوع القادم راني رايح نحمر الفول والجلبانة
الله يجيب عام الخير نشالله
والسلام عليكم ورحمة الله وبركاته
:sleep:
الثلاثاء 20 مارس 2007 - 3:09
