موضوع: طريقة تحضير حلوة ألف ورقة؟؟؟؟ الثلاثاء 12 مايو 2009 - 3:36
طريقة تحضير حلوة mille feuille
اولا نبدأ بطريقة تحضير العجينة المورقة Pate feuilletée
المقادير
225غ من الدقيق 200غ من الزبدة 5غ من الملح ملعقتان كبيرتان من السكر
أصفر بيضة 4/1 كاس صغير من الزيت 2/1 كاس صغير من الماء او أكثر
طريقة تحضير العجينة المورقة
نضع الدقيق, يضاف اليه الملح والسكر ومقدار60غ من الزبدة و قليل من الماء يجمع الخليط ويصير متماسكا بالعجن جيدا كأي عجينة حلوة
بعدها توضع العجين فوق مائدة مرشوشة بالدقيق , ثم تطلق بالوراق او ( الحلال) ماتعرفوهش ماتتمسخروش انا نقولو حلال ولا الرولو ونتوم سميوه كيما تحبو المهم الحطبة الطويلة ومدورة تحل بيها العجينة ههههههههههههههه أيا نبداو بسم الله
كما في الصورة
ثم نقوم بتقطيعها هكذا
ثم نضعها في كيس بلاستيكي ونضعها في مكان بارد لمدة 10 دق او أكثر
ثم نخرجها ونطلقا بالأيدي بالوراق أو الحلال كيما نسموه وكل واحد واش يسمي المهم الحطبة المدورة كما تشاهدون
ثم نضع الزبدة هكذا ومن الاحسن ان تقطع إلى قطع صغيرة باليد
ثم نغطي الزبدة بجوانب العجينة ونطلقها بالحلال
ثم نقوم بطي جانبي العجينة
ثم نقوم بضع هذه العلامة هكدا (وساشرح عن سر وضع العلامة فيما بعد) ونضعها داخل كيس بلاستيكي في مكان بارد حتى تجف العجينة (وكيما نقولها حتى العجينة تشد روحها مليح)
ثم نخرجها ونطلقها مرة ثانية ملاحطة: يجب تكرار العملية 2 مرات لتحضير العجينة المورقة Pate feuilletée ولا ننسى وضع في كل عملية تلك العلامة وهذه العلامة تبين أن العجينة تم تطليقها مرتين وإذا أراد شخص أخر إكمالها سيفهم ان العجينة تم إطلاقها مرتين و ثم تضع بعد ان تعيد نفس العملية الاولى أربع علامات وفي الاخير ضع هذه العلامة
وهذه معناها ان العجينة قد إكتملت ولا يجب تطليقها مرة اخرى ، ندعها قليلا ، ثم نطلقها بالحلال ، ونقسمها إلى 3 قطع مستطيلة أو دارية الشكل كل على ذوقه ومقدوره ( بالمعنى كل واحد واش عندو السنيوة مدورة ولا مستطيلة)
عندما نقطعها على ثلاثة قطع ، نثقبها بواسطة الشوكة (فرشيطة خاوتي ماتعرفوهاش ، أبقى غير أثقب ، أثقبها كامل ، ايه أثقب برك ، لا لا أثقبها ماشي تقطعها ، كونو شويا حنان ) كملتو صاحتو بارك الله فيكم درك ديرها تطيب وماشي تحرقها تطيب تولي صفرا ماشي كي تولي كحلة تقولي راهي طابت ملاحظة : قد ماتخلي العجينة تروبوزي مليح قد ماتعطيك الاوراق بزاف على هذي سماوها العجينة المورقة
ولنا لقاء إن شاء الله في الدرس القادم عن كيفية تحضير الكريمة الخاصة بها كرام باتيسيي والفوندو لنكمل الدرس إن شاء الله كنت أريد انا أكمله اليوم لكني تعبت من تحميل الصور والكتابة الى الحلقة القادمة إن شاء الله وماتتقلقوش راكم كامل معروضين باه تاكلو الميــــــــــــــــــــــــــــــــــــــــــل فـــــــــــــــــــــاي تع خوكم البركان ندوخكم على بالكم هههههههههههههههههههههههههههههه باي غدوة ان شاء الله
ثم نضربهم مع بعض وممبعد نزيدولهم الفرينة سيدتي ، ونخلطوهم وزيدي غير بالشوي باه ماتعيايش سيدتي ، راني نخمم عليك
وممبعد نضيفو الحليب بالشوي ونخلطو في نفس الوقت أوكي
وممبعد نحطوهم على نار هادي لمدة 5 أو 6دقايق ، نار هادية قتلك ونخلط في نفس الوقت
شفتي شحال ساهلة وممبعدكي تعقد تكون العجينة تاعنا طابت وبردت ، أيه إلى ماعقدتلكمش الكريمة أعرفو بلي أنتوم ماكنتوش تبعو في الدرس ، وكنتو لاتين تقصرو ، بصح ماعليش انا خاطري واسع ، ونقوللكم واش ديرو إلى ماعقدتش الكريمة زيدولها المايزينة بشوي ، وماشي تولي حجرة ، إلى ولات حجرة كولوها وحدكم ، انا نستحفظ على سناني خاوتي ، المهم ماتكونش جاريا كي الما وماتكونش حجرة نص نص ودك نكملو ، قبل تفكرت حاجة على العجينة كيفاه تثقبوها هك ماشي تقطوعوها وهك تطيب العجينة شوفو يا ناس شوفو
وممبعد نحطو النص الاول ياك راكم متفكرين بلي طيبتو العجينة وراكم قصمتوها على 3 مورسوات ، أقسموها قبل ماتطيبوها ، وين على بالي انا قلت بالاك نحطو المورسو الأول ونضع الكريمة فوقو وممبعد الثاني ونضع الكريمة فوقو كيما هك
ونضغط عليها من الفوق باه تلصق مليح ، وراني نقول نضغط ماشي تقعد عليها ولا ترقد ، أضغط من كل الجهات بالحنانة سايسو عليها ، هدي عجينة برك ، وكي تكملو كامل ريحو شويا على بالي عيتو ، ولا أنقوللكم حاجة ياك اليوم المسلسل مايلعبش واليوم نهبلكم معايا ، تقعدو هنا ، ودك نكمل الفوندو أيا تبعوني راهو الموضوع تحت هدا اوكي ههههههههههههههههههههه
عدل سابقا من قبل volcan-de-tablat في الثلاثاء 12 مايو 2009 - 15:59 عدل 2 مرات
موضوع: رد: طريقة تحضير حلوة ألف ورقة؟؟؟؟ الثلاثاء 12 مايو 2009 - 3:42
طريقة تحضير الفوندو fondant تقطيعها وشهية طيبة
المقادير 500 غ سكر ناعم 1 أبيض البيض تع مقبيل دير حبة برك أبيض برك راني نقول 2 ملعقة تع عصير الليمون او الخل ومن الاحسن عصير الليمون خير كيفية التحضير نضعهم كلهم في وعاء ونبقاو نخلطو وخلطو مليح ، ويا حبذى لوكان تخلطوهم بخلاط كهربائي
وهي من الأحسن أشروه خير راه يتباع بالكيلو وكيما تحبو ولا شريتوه ، شوفو هو يجي جامد روحو حطوه في نار هادية وبالاكم يتحرق على خاطر هو سكر برك دفوه مليح حتى يولي جاري وممبعد تبعوني نقوللكم كيفاه تطبقو العملية ههههههههههههههههههه روحو للعجينة تاعكم الأولى وديروه فوقها
وممبعد جيبو ورقة وديروها كي اللمبوط وعمروها شيكولا ذايبة ماشي تكون جارية بزاف المهم تكون تخرج من اللمبوط الورقي وديرو كيما هك وديري خطوط بالموس عكس خطوط الشيكولا على جال الشباح
وممبعد كي يجمد مليح الفوندو قطعي الجوانب باه يكون شباب وهديك الجوانب كولوهم
[center]
ولا حبيتو تقطعوه نعطيكم سر ديرو زوج أصابع ( البنصر والوسطى هدو الاسامي تع الأصابع ياك تعرفوهوم) وقطعو عليهم ن ديروهو قيس وزيد امشي دير نفس العملية حتى تقطعوه بالطول وبالعرض قطعوه على 3 قطع وعينك هي ميزانك باه تخرج الحبة هك
وشهية طيبة للجميع وبارك الله فيك وخمــــــــــــــــــــــــــــــــــــــــــــــــــــــــــــــــــــــــــــوس عليا هههههههههههههههه أنا طيبتو وخرجلي روعـــــــــــــــــــــــة بصحتي كليتي وحدي ههههههههههههههه
[/center]
عدل سابقا من قبل volcan-de-tablat في الثلاثاء 12 مايو 2009 - 16:34 عدل 1 مرات
نهى
مشاركات : 4707 نقاط التميز : 4865
بطاقة الشخصية الاوسمة: الهواية: المطالعة الأنترنات الرياضة الكتابة السيرة:
موضوع: رد: طريقة تحضير حلوة ألف ورقة؟؟؟؟ الثلاثاء 12 مايو 2009 - 4:52
يعطيك الصحة خويا ورانا نستناو
مجهولة الحياة
مشاركات : 3721 نقاط التميز : 3574
بطاقة الشخصية الاوسمة: الهواية: نحب ندير كل حاجة تفيد السيرة:
موضوع: رد: طريقة تحضير حلوة ألف ورقة؟؟؟؟ الثلاثاء 12 مايو 2009 - 9:56
الله يبارك عليك كل صبع بصنعة ومشكور على طريقة التحظير وفي انتضار تكملت الكيفية
واكيد من يدك انت نظقوه اول مرة وعلبالنا دوخنا من الميلفاي لانك انت الي صنعتو
موضوع: رد: طريقة تحضير حلوة ألف ورقة؟؟؟؟ الثلاثاء 12 مايو 2009 - 16:39
مشكوريـــــــــــــــــــــــــــــــن وراني كملت الدرس شوفو وتعلمو من عندي هههههههههههههههههه وبصحتكم وكاش وحدة فيكم حصلت في حاجة تتصل بالحصة اوكي سيدتي