موضوع: إعلان عاجل لجميع الاعضاء ؟؟؟؟ الثلاثاء 19 مايو 2009 - 2:37
السلام عليكم ورحمة الله وبركاته نرحب بجميع اعضاء منتدى تابلاط مزغنة لقد تبين لنا أنه في الآونة الاخيرة وجود بعض الشباب أنهم يسجلون بأسماء عديدة ومنها أسماء بنات من أجل التمسخير ويجوز الوقت ويحب يتعرف على بنات هذا المنتدى باه يجوز بيها الوقت وللأسف هناك بنات من يقبلن بهذا التمسخير على خاطر مايعرفوش الأنترنت جيدا وهما راهم جدد في الأنترنت ، والله نقوللكم يا بنات بلادي والله ماتشديش روحك مليح غير يديك الواد وماتقوليش بلي راني قدام الميكرو نورمال ، رانا مجوزين وشايفين قبلكم بزااااااااااف ونحب نطلب من أي بنت إذا تبلاها إذا تبلاها أي عضو تقولها لنا مباشرة والإدارة ستقوم بواجبها ، والله غير نوصلهالو لدارهم ، على خاطر نعرفوكم كامل ، أي عضو يقوم بإرسال رسالة خاصة فيها كلام زائد أو مضايقة فعليها ان تخبر الإدارة بهذه التجاوزات ، وإذا حبت هي تروح تتعرف تروح تتعرف عليه برا ماتتعرفش عليه أهنا كاين مواقع للتعارف وتبادلو أرقام هواتفكم هناك ودبرو راسكم واش ديرو ثم،أناأقول لك نصيحة لوجه الله شدي روحك وألتاي بقرايتك أحسن وكل واحد يتحاسبو في قبروا ولي ماتحبش النصيحة كاين الحيوط بزاااااااااف وزيد نقول للأعضاء للي راهم كل خطرة تلقاه داخلنا بأسم أحترم نفسك اخي وكون شويا فاهم أكبر ماتكونش حمار هدي الأنترنت كي داروها سيادك داروها باه يتعلمو ويتثقفو وأنت تالمون حابس دايرها للتمسخير ، وتهدر وتعرض على خاطر راك مور الميكرو ، ولوكان تقابلنا الراس في الراس وتلقانا قدامك تبول تحتك كلمة ماتهدرهاش وكي راك مور الميكرو بين الرجولية تاعك على خاطر خواف ، وإلا حبيت تتعرف على بنات هنا من اجل اللهو والزهو اطلب منك ان تطلب من اختك التسجيل معنا ، وخلينا نزهاو معاها إلا تقبل وإلا ماتقبلش قولنا علاه ماتقبلش ، على خاطر ختك ، مام هادو كامل اللي راهم هنا خياتك ، كي ولات هك ، احترمهم كامل وديرهم خاوتك ، دير شويا قلب اصاحبي واش هدا والله العظيم كاين بعض الأعضاء تلقاه داير مواضيع دينية ماشاء الله ، وهو نية تاعو خبيثة أعوذ بالله إنت جامي حكيتي مع طفل ، وأنت جامي حكيت مع طفلة، روح لغوغل الحاجة اللي تحوس عليها تلقاها ، راني نهدر في هذا الكلام على خاطر كاين شي عباد حاشا إسم عبد لأنه مايليقش باه تسميه عبد هذا حيوان حاشا السامعين راهم يقولو بلي رانا دايرين راينا في بنات منتدى تابلاط ورانا نتمسخرو بيهم وبلى مانزيد نقول واش راهم يقولو تاني على خاطر راكم فاهمين قصدي وكاين وحد الحمار حاشا الملايكة والسامعين راه يقول باللي المدير راه داير رايو في بنات المنتدى ، انا نطلب من كل بنت تجاوبنا هنا وتقولنا هل ياترى المدير تبلى كاش وحدة فيكم وقاللها كلمة خارجة عن الطريق ، ونحب تكون الصراحة المطلقة في الإجابة
وأعيد وأكرر من كل فتاة إذا وصلتها رسالة خاصة من أي عضو وبها كلام زائد تخبر الإدارة بها مباشرة ..احنا رانا حابين نديرو منتدى عائلة وحدة كلنا إخوة في الله ، كل واحد يقدم واش عندو ، ونعرفو ببلادنا ويكون بإذن الله اعضاء من كل البلدان بصح كي يتسقم المنتدى ويلقاو بلي المنتدى فيه بنة تع عائلة وحدة وماكاش التمسخير فيه. وأغتنم الفرصة واقول لكل الأعضاء الذين يقومون بنسخ المواضيع من منتديات أخرى ، الله يرحم والديكم كي تجيبو موضوع على الأقل ، على الأقل غيرلو لهجة تاعو ، زوج دقايق وانت فريتها ، أنت بنفسك ماقيمتش موضوعك ، كيفاه تحب باقي الأعضاء يقيمولك موضوعك وشكرا للجميع ملاحظة : مانيش حاب تدخلو تقراو الموضوع وتقولي شكرا على الموضوع بارك الله فيك ، ماتبلعطنيش بزوج كلمات شكر وتروح على خاطر اللي يكتب شكرا ويخرج يبينلنا بلي ماقراش الموضوع من أصله ومايهموش محتوى هذا الموضوع مانيش حاب الشكر ، ماتشكرونيش ، أنا نحب المفيد ولي ماعندوش كلمة مفيدة مكلاه يقولي شكرا يرحم والديكم..... وفي الأخير تقبلوا منا فائف الإحترام والتقدير من طاقم الإدارة والسلام عليكم ورحمة الله وبركاته
نهى
مشاركات : 4707 نقاط التميز : 4865
بطاقة الشخصية الاوسمة: الهواية: المطالعة الأنترنات الرياضة الكتابة السيرة:
موضوع: رد: إعلان عاجل لجميع الاعضاء ؟؟؟؟ الثلاثاء 19 مايو 2009 - 4:05
عندك الحق خويا مسعود في كل كلمة قلتها الأنترنات مملوئة بالذئاب ولي متعسش روحا كلاوه بصح نزيد حاجة تاني كاين بعض العضوات وليس الكل هوما يحبو يجيبو البلا لروحم هوم لي يدخلو لنت باش يتمسخرو هوم يروحو للذئاب ويقولولهم كولونا واستخفر الله ربي يهديهم هذوك أنا نقول عليهم وبكل صراحة مرهمش مربيين ومتخلفين وعندهم مرض نفسي فأنا أطلب من كل غضو أو عضوة أن يتبلغو الإدارة مباشرتا اذا وصلتهم رسائل خاصة غير مرغوبة ونحنو سنقوم بطرد العضو مباشرتا للعلم كاين بعض الأعضاء هوما راهو حبين هكذا هذوك نقولولهم عسو روحكم خبراتكم كامل راه عندنا واذا كملتو هكذا يرحم بابكم خلو المنتدى ديالنا وبصريح العبارة رنكو احن معندناش الشرف بيكم ويا ريت لو سألك اي واحد منين انت متقولش تابلاطي يرحم باباك مركوش تابلاطيين احنا بنات تابلاط وولادها من اصل وفصل الله يبارك روح شوف روحك منين نتاع الصح مراكش تابلاطي وشكرا جزيلا خويا مسعود موضوع راودني كثيرا قبل ان تكتبه
موضوع: رد: إعلان عاجل لجميع الاعضاء ؟؟؟؟ الثلاثاء 19 مايو 2009 - 10:02
ان لم تكن ذئبا اكلتك الذئاب
kamilia2010
مشاركات : 2464 نقاط التميز : 2813
بطاقة الشخصية الاوسمة: الهواية: chat with may friends السيرة:
موضوع: رد: إعلان عاجل لجميع الاعضاء ؟؟؟؟ الثلاثاء 19 مايو 2009 - 11:31
صح يا خويا هذا راهو صاري الله يهدي كل مؤمن قريت الموضوع حرف بحرف كلمة بكلمة ورايحة نقولك يعطيك الصحة لانك اعطيت اهتمام كبير لهذا الموضوع بذات
اما المدير راهو كي خويا واش استحقيت نقولو يساعدني والاخوة والاخوات ايضا راهم كعائلتي والله ما تتصوروش شحال نحب هذا المنتدى لانو فيه اولاد بلادي الي جامي ولانقبل عليهم حاجة ماشي مليحة
موضوع: رد: إعلان عاجل لجميع الاعضاء ؟؟؟؟ الثلاثاء 19 مايو 2009 - 14:11
السلام عليكم و رحمة الله تعالی و بركاته بسم الله الرحمن الرحيم و الصلاة و السلام علی أشرف المرسلين محمد صلی الله عليه و سلم, أما بعد "اللهم إنا نسألك الجنة و نستجير بك من النار" هذا الموضوع تم فتحه بحمد الله بفضل أخونا مسعود المعروف هنا في المنتدى بإسم "ببركان تبلاط" و ذلك لحرصه على سلامتنا جميعا من مخاطر الإنترنت التي يمكن لنا جميعا الوقوع فيها دون أن ننتبه في الوهلة الأولى, و أحيانا لا ننتبه إلا بعد فوات الأوان.ولله انتبني الشك اخي مسعود
من بعض الاعظاء ويكمن هذا الشك فيما قلت اخي ان هناك من يسجل نفسه باسم فتات وهذ ان دل على شيئ فانه دل على النية الخبيثة التي تتكمن وراء هذ التسجيل ولهذ وجب الحذر منهم أيتها الأخت ! كيف تنجين من هذه الذئاب
إن سجلت في المنتدى فلا تسجلي فيه إلا بإسم ثقيل لا دلع فيه ولا ميوعة
وإن تكلمت بكلمة أو كتبت حرفا ! فضعي قول الله نصب عينيك ( فلا تخضعن بالقول فيطمع الذي في قلبه مرض وقلن قولا معروفا ).
وإن كتبت لأخواتك ومازحتيهم ، فتذكري أن في المجلس رجالا يقرؤون ما كتبت ، ويراقبون ما سطرت ! ولو كنت في قسم خاص بالنساء .
وإياك ثم إياك من المراسلات مع الرجال إلا في حدود الضرورة والحاجة الملحة .
واحذري أن تضيفي أحدا من الرجال على الماسنجر أو توافقي على ذلك ، كائنا من كان ، فإن فعلت فهذه أول سقطاتك ثم سيتبعها سقطات أخرى إلا أن يتغمدك الله برحمته .
واحذري الشات! فإنه شتات ومضيع للشباب والبنات ، وأنت جوهرة لا يليق أن تضعي نفسك في مكان غالب من يدخله يريد العبث بك ! يريد أن يدوس شرفك ويلعب بكرامتك ! .
لا تقولي أنا غيرررر أنا أعرف نفسي ! فهذا أمن من مكر الله ! ( فلا يأمن مكر الله إلا القوم الخاسرون ) وكم من فتاة كانت أحرص منك ولكن أين هي الآن ؟
لقد رماها الذئاب ! في ابعد مزبلة لكي لا يشم أحد نتانة فضيحتها ، ولا يسمع صراخ العار منها .
وأنت أيها الرجل وأيها الشاب ! اتق الله نفسك ، فالمرأة أختي وأختك ، وهي عورة من عورات المسلمين ، فالمأمور سترها لا كشفها ، وحفظها لا انتهاكها
وتذكر : أن من تتبع عورة أخيه تتبع الله عورته ، وفضحه ولو في عقر داره كما أخبر المصطفى صلى الله عليه وسلم بذلك
والجزاء من جنس العمل ، وكما تدين تدان !
وهذه المرأة أيها الشاب ! كتلة من المشاعر والأحاسيس، وكما أن الرجل يتأثر فالمرأة أيضا تتأثر
ولا تقل لي قصدنا شريف ، وما تريد خيرا ؛ فإن القلوب ضعيفة والفتن خطافة !
فاحذر ذلك أخي الحبيب حتى يحفظ الله عورتك ، ويسترك في الدنيا قبل الآخرة .
وراعي كلماتك وحاسب ألفاظك ، ولا تقل هي بدأت ! ولا تقل هي راسلت ! وهي خضعت بالقول ! فإنها مهما فعلت وقالت فستظل أختنا ، وحق لنا حفظها وصيانتها من عبث العابثين .
وأنت اخي مدير المنتدى ومسوؤله ! تذكر أن الله سيسألك عما استرعاك ، وكل ما يكتب هنا مسجل عليك في صحائف أعمالك إن تهاونت في مهمة المراقبة ، ورأيت المنكرات ثم سكتّ عنه
نسال الله ان يحفظنا ويحفظ شباب المسلمين وبنات المسلمين اللهم أمين
خويا مسعود الكلملت التي ابهرتني بها هي
وأعيد وأكرر من كل فتاة إذا وصلتها رسالة خاصة من أي عضو وبها كلام زائد تخبر الإدارة بها مباشرة ..احنا رانا حابين نديرو منتدى عائلة وحدة كلنا إخوة في الله ، كل واحد يقدم واش عندو ، ونعرفو ببلادنا ويكون بإذن الله اعضاء من كل البلدان بصح كي يتسقم المنتدى ويلقاو بلي المنتدى فيه بنة تع عائلة وحدة وماكاش التمسخير فيه.
ولله انت مشكور كل الشكر وربي يوفقك ويوفق جميع المسؤلين عن هذ المنتدى خاصة الاخ المدير
انشاء الله ربي يوفقك الى ميحبه ويرضاه .
اتمنى من كل اعماق قلبي ان يصبح هذ المنتدى منتدى اسرة وحدة متحبى في الله نعم في الله قبل كل شيئ
وديرو في بالكم هذا المنتدى راهم يدخلو ليه اناس من كل اصناف العمر ومن كل ربوع الوطن ولله حتى من خارج الوطن
ولله شهيد على ما اقول نعم لقد اتصلت باحد الاصدقاء في احد الدول الاوربية ودعتوه لزيارة هذ المنتدى وبالطبع
ان يسجل معنا قلي مكانش مشكل نزورو بصح حتى نتستي العقلية بش نسجل معاكم استغربت من شرطو
وقتلو وش من عقليا راك تحكي عليها خويا .قالي العقلية هي =طريقة تعامل الاعضاء مع بعضهم البعض=
وفي الاخير اتمنى ان اكون وفقت وان اخطئت فاي شيئ فانا اسف
الثلاثاء 19 مايو 2009 - 2:37
