الخدمة يا الخدمة

ا

صبح عيب على الشباب ان يبحث على عمل يقتات منه و يبني به مستقبله ... و اصبح الشباب اذا سرق او زطل او دار حاجات بزاف ماشي ملاح يقولو عليه شباب نورمال

اعتمدت الدولة خطة جايحة بزاف تاع وكالات التشغيل ... لا بل اقول وكالات التهميش لانها تحتضن الشاب عامين تهمش و ترمي بيه للشارع .... كيفاش راهم يخمو هاذ المسؤولين التافهين ... هاذ المسؤولين لي يحبوا لييدهنهم بالزيت و العسل والله ربي يهديهم

الى متى سنبقى ساكتين و صابرين على هاذ الظلم و الحقرة .... آه حقى نسيت رانا في تابلاط حاجة نورمال حتى و يا لوكان يجو يجربو فينا كاش مبيد تاع حشرات ولا دوا تاع فيران .

لاننا والفنا الذل و نحملو الهانا و نرفدو غير للبراني

السلام عليكم ورحمة الله وبركاته
اخي العزيز شكرا لك على طرحك لهذا الموضوع لا تكن متنرفزا لان كل ماقلته عادي في بلادي
انا انصحك ان لا تعطي اهتماما لمثل هذه الامور وانصحك ايضا بان لا تضيع وقتك كله في التفكير في مثل هذه الحالات
اذا اردت ان تعمل فخذ طريق عمل اخرى فاذا اردت ان تذهب وتسجل نفسك لكي تجد عمل او وظيفة من خلال ما طرحته فاعلم بانك ستضيع نفسك ووقتك وعمرك افضل العمل وافضل وظيفة هو ان تعمل براس مالك ولو كان هذا الراس المال هو قليل جدا فيجب على ان تكون لديك ارادة وعزيمة قوية وان يكون لك برنامج حقيقي لتحقيقه من خلال عملك ولهذا اتمنى لكل مواطن تابلاطي ان يتحصل على عمل وظيفة يقتات منها ويضمن بها مستقبله وشكرا

أخي متتقلق موالو اتكل على ربي سبحانو هو قادر على كل شي لكن اعتمد على نفسك متيأسش الدنيا مزالها طويلة
وبالاصرار تنال انشاء الله كل خير

وفي هادى الوقت راهو صعيب بزاف حتى واحد مراهو مهني بسهولة لا زم يتعب باش ينال
وانا نقلك متقطعش لياس ربي يكون في العون انشاء الله وتحقق كل واش تتمنى

يا سامو راك في الدزاير يعني كي تقول الخدمة الافضلية راهي للنساء

و مبعد باش يولوا يخموا بللي كاين ليجان راهم بلا خدمة

و نزيد نقولك واش الاسباب نتاع البطالة اللي رانا فيها

يعني الاولى و الاخيرة تولي للنساء على خاطر تلقاهم يخدموا بنص سومة

في السبيطارات تلقا لي فاك دو ميناج يخدموا ب :4500دج للشهر

ومشي غير في السبيطارات يعني في مؤسسات اخرى يعني هذا مثال

بصح وكان المراة تريح في الدار يروحوا و يولوا ليك و يخدموك يعني باجر محترم

مشكور خو ع الموضوع الهام و ما تتقلقش يفرج ربي

اللي خلق ما يضيع

انا نقولك ما تحوسش على الدولة واتكل على روحك لانو اذا ستنيتها راح تبقى طول حياتك بطال وما تنساش الرزق على ربي
توكلت في رزقي على خالقي..... وايقنت أن الله لا شك رازقي ومايك في رزقي فليس يفوتني .....ولو كان في قاع البحارالعوامق ففي أي شيء تذهب النفس حسرة..... وقد قسم الرحمن رزق الخلائق
« اللَّهُمَّ فَارِجَ الْهَمِّ ، كَاشِفَ الْغَمِّ ، مُجِيبَ دَعْوَةِ المُضطَرِّينَ ، رَحْمنَ الدُّنْيَا وَالآخِرَةِ وَرَحِيمَهُمَا أَنْتَ تَرْحَمُني فَارْحَمْنِي بِرَحْمَةٍ تُغْنِيني بِهَا عَنْ رَحْمَةِ مَنْ سِوَاكَ »

شكرا خويا لطرحك هدا الموضوع
ان شاء الله ربي يفرج علينا في حاجة اخرى
الانسان وخصوصا الجزائري لازم يتكل على ربي سبحانو وعلى ذراعو باش يقدر يسلك راسو
و نحكيلك واحدة الحكاية حقيقية صرات في هداك المكتب
نعرف وحدة تابلاطية كملت قرايتها عندها دبلوم
injenieur d'etat en informatique
كي راحت ليهم قالولها ديري الملف و استناي لانو في المناصب لي عندهم يبداو يخدمو صحاب دبلوم الاعلام الالي تاع التكوين المهني ل في تابلاط و امبعد صحاب دبلوم تقني سامي تاع التكوين المهني لي ف المدية و امبعد صحاب دبلوم تقني سامي في اي جامعة و لا بقاو المناصب ندو صحاب دبلوم مهندس دولة
الدنيا ولات تمشي بالمقلوب
الله يستر

ربي معاكم ومعانا احنا الجايين

مشاركات : 69 نقاط التميز : 129

راك في الدزاير كلش نورمال مادرش عليهم الله يهديهم
المهم أتكل على ربي سبحانوا

اولا شكرااااا على الموضوع
ثانيا بلادنا بلاد ميكي فيها الخير وكلش بصح الدولة حقارة عندهم الحق اللي راحو حراقة
المهم
إن شاء الله يتبدل الرئيس باه تتسقم البلاد
تحياتي
Imad sellali

و كيما قال علاء راك في الدزاير كلش نورمال

اخي العزيز شكرا لك على طرحك لهذا الموضوع
ربي يهدي كل من هو يساهم في افساد البلاد وتعمير داره فقط
الى متى يمكن ان نصبر على كل المشاكل التي هي بلدنا ان شاء الله تسلك على خير

شكرا يا خويا مي نقولك عفس في بلادنا بلاد الشر لي عندو لكتاف عندو كلش و المسكين ديما محقور
بلاد الحقرة واش الدير تعيش و تحمل الذل Like a Star @ heaven

انا راني خايفة كي نكمل نقرى ما نلقاش خدمة و نقعد نغسل الماعن و نسيق بعد مشوووووووووووووووااااااار

رانا كامل نعانو من نفس المشكلة لخطر كما قالو البلاد تمشي بالعكس لعندو شهادة بطال ولي معندوش خدام أملا علاش قرينا وتعبنا لكان قعدنا خير ولا واش أو كالة التشغيل منعرف واش تدير تطمع وتذوق الناس بالدراهم منبعد شوية تقولو كملو العامين ولا واش رايكم كتحط ملف عندهم تقولك أستنا رانا مزلنا في عام تاع 2005 مزال نتوم أصبرو واش معناها معناها نزيد نصبر خمس سنين باش تجي دالتي منبعد واش نكون كرهت الخدمة هذي هي العقلية وهذي هي بلادنا الحمد لله على كل حال نشاله ربي يوفقنا نفتحو مشاريع صغيرة منستحقو مزية حتى واحد ولا واش رايكم مشاريع مصغرة وذاتية

مشاركات : 118 نقاط التميز : 180

كل واحد ياخذ وش كتبلو ربي لي مكتوبة ف لجبين مايمحوها ليدين ابكي على سعدك وابكي على فعلك في الدنيا

شكرااااااااااااااااااااااااااااا

» الخدمة الوطنية ب12 شهرا
» الخدمة راهي غير عليه
» مدة الخدمة إلى شهرين فقط بدلا من 18 شهرا..