أرجوك لا تضحك؟؟؟

واحد مزطول ماسك علبة مسامروطاح منهم مسمار قلو يا ولدي أرجع يرحم بوك ارجع.... المسمارمحبش يرجع .... كب علبة المسامر كلها و قال : جيبوووووووووووووه
@@@@@@
واحد من كثر ما خسر بالبورصه طاح مريض
هزوه عند الدكتور
الدكتور وهويكشف عليه قالو يا الله ضغطك وصل 70 )
صاح المريض و قالو : بيع بيع بييييييييييع
@@@@@@
مره مرأة جابت طفل وحارت واش تسميه كل ما اتسميه اسم تقول طويل قللها راجلها سميه لستيك طولى وقصرى فيه كيف ما اتحبى
@@@@@

مزطول قال لمرتو نكته... قالت: " هههههههههههه ماتضحكش " قاللها : " ههههههههههه انت طالق"
@@@@@@
واحد راح لطبيب باش ينحيلو مسمار دخلو في رجلو كي قالو ب2500دينار قال له عوجو وخليه
@@@@@@
مزطول يقول لصاحبو :شي واحد فالدنيا هاذي مجنني و ما فهمتوش؟ قالو صاحبو واش؟
قال المزطول : الحمار الوحشي ابيض ومخطط بأسود والا أسود ومخطط بأبيض
@@@@@@
اب كسلان قال لولدو الكسلان قوم افتح الباب ليماك
الابن: افتحلها انت مش هذي مرتك؟
الاب: قوم يا ولدي هذه امك
الابن: هذي مرتك ثاني قوم انت افتحلها
الاب: يا مرأة انتي طالق بالثلاثة... قوم ضرك افتح الباب لامك و رد بالك تقلي مرتك
@@@@@@@@@@
ميكانيسيان شرى سرير جديد رقد تحتو
@@@@@@@
زوج قاعدين قدام مراية يتكيفو في الكيف قال واحد شكون هادوك الي مقابلينا قام صاحبو قالو آني رايح نسألهم شدو صاحبو قالو أقعد آهو واحد منهم جاي
@@@@@@@@
واحد حب يبني المستقبل نتاعو شوي طاحت عليه ياجورة
@@@@@@@
راجل كبير في العمر قالولو: وآش عامل فيك رمضان يا حاج.
قاللهم كون مش من رشفة الوضوء العبد يموت مالعطش
@@@@@@@
واحد حب يخّوف أولاده ذبح مرتو
@@@@@@@
الجوج قال للمحابسي وين تسكن
جاوبو حذا جارنا
سقسا جارهم قالو نسكن حذاه هيه
زاد سقساه وين تسكن
حذا جارنا
زاد سقساه او جاركم وين يسكن
قالو حذانا
زاد قالو ونتوما في 2 وين تسكنو
قالو حذا بعضانا
ههههههههههههههههههههههه
@@@@@@@
واحدعندو مرتو راح تزيد طفل قالها نسميوه خير الله
قاتلو هي اها نسميه خير الدين
كي ولدت جابت طفل صغيـــــــــــــــــر
قاتلو واش نسميوه
قالها نسميوه خير من ماكانش
هاهاهاهاهاهاهاهاهاهاها
@@@@@@@
قال القاضي للمتهم: ماذا تعمل؟
أجاب المتهم: قبل الظهر لا عمل لي، وبعد الظهر مع عمي.
فقال القاضي: وماذا يعمل عمك؟
أجاب المتهم: قبل الظهر يعمل معي، وبعد الظهرلا يعمل
@@@@@@@@@@
- واحد دخل للقهوة وقال للقهواجي: عندك قهوة باردة؟ يقولو: لا , زاد جاه غدوة وقالو كيما المرة اللولة ورد عليه:لا, وعاد كل يوم يقولو: عندك قهوة باردة؟ واحد النهار قال القهواجي: والله نوجّدلو قهوة باردة قبل ما يجي, ومبعد ساعة جا الزبون وقال: عندك قهوة باردة؟ قالو: نعم, قال: سخّنها وجيبهالي
@@@@@@@@@
واحد دا وليدو ومرتو في رحلة في السيارة, وكي فاتو على ناطحة سحاب قال الطفل: وشي هذا يا بابا قال الأب: والله ما علبالي, وزادو فاتو على مرأب للسيارات قال الطفل: وشي هذا يا بابا رد الأب: والله ما علبالي وزادو فاتو على مسبح قال الإبن : وشي هذا يا بابا قال الأب: والله ما علبالي. نطقت الأم وقالت: اسكت ياولد راك قلقت باباك. قال الأب: لا خلي وليدك يسقسي باه يتعلم
@@@@@@@@@
- هدا واحد يهجّي الهدرة بزاف في كل مرة يروح للقهوة ويقول للقهواجي: أعطيني ققققققـ.... ومايجي يقول قهوة يغلق مول المحل ويقولو ولي غدوة,ودايما تسرالو هكّا, وفي نهار قال لازم نبدا نوجّد الكلمة في الليل وكي نوصل الصباح نقولو, وفعلا بدا في الليل يقول: ققققققققـ... وفي الصباح مع وصل للقهوة قال: قهوة أعطيني, دار ليه القهواجي وقالو: انعم خويا ماسمعتكش
@@@@@@@@
واحد فاقد الذاكرة تثاوب نسى فمو مفتوح
@@@@@@@@
مسكين ومسكينة تزوجا وانجبا ولد يكسر الخاطر

قلك وحد المرة اليابان إخترعت حاسوب يمكنه الإجابة على أي سؤال .....جاء المريكاني وبدأ يسأل في الحاسوب فيجيبه الحاسوب بسرعة ثم جاء اللألماني لكن دون جدوى ...إلى أن جاء الجزائري فكتب شيئا فإذا بالحاسوب يحترق ولما سألوا الجزائري قلهم(كتبت للحاسوب أن هناك حقلا طوله 700م وعرضه 200م .ما هو عمر الفلاح؟)
@@@@@@@@@@

قلك واحد حابس راح يدير السكنار على راسو فكتبلو السكنار no disk
@@@@@@@@@@
قلك واحد ماشي شباب راح يشوف روحو في المرايا فقالتو المرايا :نعتذر عن الصورة...
@@@@@@@@@@@
قلك واحد راح للسينيما و رافد معاه سلوم كي سقساوه علاه قالهم:الفيلم طويل
@@@@@@@@@@@
قلك واحد حابس كان يمشي حتى صاب ورقة تاع تريسيتي راح خلصها

قالك مرة كان جحا واحد من المريكان واحد من الجابون
عطاو لكل واحد منهم مليار وقالولهم لازم تخترعو حوايج
مالا الماريكاني خدم صاروخ يروح لأي بلاصة
والياباني خدم خاتم بورتابل تكلم بيه اي واحد
اما جحا صرف دراهمو اكل قعدتلو غير مليون مالا شرى معزة وكلب
جوعهم ربعيام قبل ما يوصل وقت كي يورو اختراعاتهم
مالا بدا الماريكاني ورى اختراعو ثم الياباني وصت دالة جحا
حط الكلب وعطاه حشيش كلاه
وحط المعزة وعطاها اللحم كلاتو
قالولو واشي هو الاختراع قالهم
على الكلب: الكاركا سة كلب والموتور معزة
على المعزة: الكاركا سة معزة والموتور كلب....
@@@@@@@@@
واحد حابس كان يمشي مع وحدة شافت باباها من بعيد قاتلو روح بابا راهو جاي قاللها : كشماكان انا خوك....
@@@@@@@@@@
قلك واحد حابس عمرو لا هدر مع فتاة أيا راح لصاحبو وسقساهم كيفاه.فقالو صاحبو :لازم تكون تعرف تصيد ..أيا راح يحوس على الفتاة التي تعجبه عندما وجدها رفد حجرة(بلوكة) وضربها بيها فإذا بالفتاة تسقط أرضا فهلع إليها جميع الناس فتفاجؤا بالرجل الذي ضربها يقول لهم :بعدوا أنا لي صيدتها اللول
@@@@@@@@@@
قلك واحد حابس جاء يذبح جاجة تاع تريسينتي .راح طفى الكونتور
@@@@@@@@@@@@@
قلك واحد كان يطيب خلاصتلو القرعة تاع الغاز عضها
@@@@@@@
قلك وحد المرة الزوجة قالت لزوجها :اليوم عيد ميلادي وراني باغية جيبلي كادو كي نشوفو يشعل قلبي ...ذهب الزوج للعمل وفي المساء عطالها علبة ففرحت الزوجة وعندما فتحتها وجدت (باتري تاع طونوبيل)
@@@@@@@@
قالك وحد الزوج مزوجين ولدو طفلة عندها شعرة واحدة في راسها سماوها محيرقة
@@@@@@@@@@@
قالك واحد ما رقدش بكري و كي رقد صاب الحلم بدا
@@@@@@@
في ليلة كان أربعة من الشباب يزطلو مور باطيمة وبعد مدة خلصلهم الكبريت, فبعتوا واحد منهم يطلب, مالا راح دار على لباطيما ولاّ ليهم , قاللهم: يا جماعة ما عندكمش كبريت؟ قالوا: أقعد رانا بعتنا واحد يجيب
@@@@@@@
وهادا واحد يبيع القهوة بثلاث دنانير, وكل يوم يجيه واحد ويحطلو دينار في شرق الحانوت ودينار في غرب الحانوت ودينار في الوسط ويقولو: اعطيني قهوة. وفي نهار جاب هذا الشخص قطعة تاع خمس دنانير وقالو: اعطيتي قهوة. فرح القهواجي وقال هذي فرصتي باش نردلو ما دار فيا وراح جابلو قهوة وحطلو دينار في شرق الحانوت ودينار في غرب الحانوت وقالو: هذا الصرف. وفجأة جبد الزبون دينار وحطو في النص وقالو زيدني قهوة
@@@@@@@@@

هههههههه
يعطيك ألف صحة وعافية والله العضيم غير يضحكو انتع الصح
شكرا لك

العفو مريووومة
مين داك واحد يغير جو ويضحك شويا

merci khouya
inchaleh tedhhaklek denya

ربي إن شاء الله يرزقنا بالجنة وأياكم وجميع المسلمين والمسلمات
اللهم آميــــــــــــــــــــــــــــــــــــــــــــــــــــــــــــــــــــــــــن

علبالك راني نحفظ فيهم باش نقولهم الي نعرفهم ليوم بديت نحكي في هادو

ليبلاق مشكور

العفو مريووومة
ولكن إذا أردت ان يعجبوهم
لازم تكوني عارفة كيفاش تقوليهم تحركي الحواجب اليدين الرأس
اوكي وبالتوفيق وان شاء الله يعجبوهم

هادي متتخممش فيها لازم الطريقا انتع الهدرة تكون توصل الحكاية

أوكي مريووومة ربي يوفقك
مشكووورة على المرووور

» إبتسم..أرجوك..!
» قصة تبكي ثم تضحك ؟؟؟؟؟؟؟؟؟
» الصورة تضحك
» محادثة تضحك ههههه
» أول مرة تحدث لي ,,,,,,, أدخل لتعرف لكن لا تضحك علي