هذا ما فعلته فينا الانترنت !!!!!

السلام عليكم و رحمة الله و بركاته Cool

امينة، لست امينة التي اعرفها!!!!!؟؟؟؟؟
عبارات نطقت بها والدتي حفظها الله منذ ايام، نزلت علي كالصاعقة.............رحت اسالها و كلي حيرة و تعجب؟؟؟؟؟ علاه ماما؟؟
ردت و بالحرف الواحد..........امينة تاع زمان، كانت تظل تحكي مع ماماها و تشكيلها و تجوز وقتها معاها، ماشي كيما هاد العام، وليتي روبو، انترنت، تلفزيون، ...........
لم اجد ما اقوله...........فكرت مليا، فوجدت ان معها حق.....اهذا مافعلته بنا النت و التلفزة و........ دعوني احكي لكم عن موقف طريف ، ربما يستدعي البكاء بدل الضحك...كنت مرة في غرفتي مع الكمبيوتر و اخي في غرفة اخرى مع حاسوبه المحمول، اراد مني شيئا، فلم يكلف نفسه عناء مناداتي، بل كتب لي رسالة على الياهو يقول فيها...امينة اريد.......ضحكت في البداية ، لكن و الله احسست برغبة في البكاء بعما ادركت حجم ما وصلنا اليه...الله يستر....و السؤال الذي يطرح نفسه......اين هي ايام زمان، اين هي القعدات العائلية، ام اننا اصبحنا في عصر السرعة؟ و لم يعد لهذا الحديث معنى؟؟؟
تحيات اختكم امينة

هادى عام السرعة كيما راهم يقولو ليس فقط النت او التليفزيون او الهاتف ...

انها امور كثيرة لا تعد ولا تحصى
ربي يفرج ويرحمنا برحمتو وترجع يمات الزمان

الف شكر امينة
دمتي وفيا لنا

الله يستر، بصح جابلي ربي الدنيا بكري كانت حلوة بلا انترنت، ضركا صح سماطت، رجعنا روبوات...تحياتي مريومة

شكرا على الموضوع امينة
عندك الحق في وشا قلتي بصح حبيت نقولك حاجة
لازم الانسان كل حاجة يديرها في بلاصتها وكل حاجة يمدلها حقها و ما يفرط في حتى حاجة
انا فالدار يعيطولي المدمن قالولي لازم تروح داوي ههههه
قلتلهم ما تخموش دوايا نصيبو في منتدى بلادي الغالية في وسط خاوتي
ان شاء الله ربي يخليهم لي

عندك حق،الانسان يدير كل حاجة في بلاصتها، و كلمة المدمنة ياما سمعتها ، لكن الان شفيت من الادمان والحمد لله، ونظمت وقتي بعد تلك العبارات التي سمعتها من امي..........تحياتي

الفقيرة الى الله كتب:: عندك حق،الانسان يدير كل حاجة في بلاصتها، و كلمة المدمنة ياما سمعتها ، لكن الان شفيت من الادمان والحمد لله، ونظمت وقتي بعد تلك العبارات التي سمعتها من امي..........تحياتي

مليح كي نظمتي وقتك
ان شاء الله يصحلنا شويا من وقتك تجوزيه معانا في المنتدى

اكيد لن ابخل بالعطاء لمنتدى مدينتي الغالية...لكن وقت الجامعة نقوللكم باااااااااااي...ندخل من السمانة للسمانة برك

والله غير عندك الحق في كل كلمة قلتيها اصبحنا ميكروات

ملي يطلع الصباح و حنا مع الميكرو نقسرو غير على الانترنات وعلى الجديد فالميكروا

وكي تقولو ايا نبدلو الهدرة شويا ندورو شويا و نرجعوا نقسرو على الميكرو دون الشعور

بذلك.والحل كيما قلتو لازم الواحد ينظم روحوا و يعطي كل حاجة وقتها

بارك الله فيك على الموضوع الرائع

الله يهدينا و يسترنا.....مشكور على المرور

الفقيرة الى الله كتب:: اكيد لن ابخل بالعطاء لمنتدى مدينتي الغالية...لكن وقت الجامعة نقوللكم باااااااااااي...ندخل من السمانة للسمانة برك

معليش فالوقت هداك مام انا ما ندخلش كل يوم

» على من يتشفون فينا
» نوفمبر جل جلالك فينا
» مادام للحلم امتداد فينا
» *** لنتأكد أولا العيب فينا أم في غيرنا سوا؟؟؟ ***
» ادمااااااان الانترنت