مشكلة استمارات بطاقات التعريف وجوازات السفر( عيش يا شعب)

سلام عليكم ورحمة الله وبركاته
نحكيلكم وحد لحكاية ونتوما ميزو وقولولي
راها كاينة وحد المشكلة في تابلاط وهي انو نهار اي واحد ولا وحدة يروحو بش يخرجو وثايق بطاقات التعريف وجواز السفر بالبلدية والدائرة يوجدو ندرة في استمارات الوثائق المطلوب استخراجها من بعد يقولولهم الموظفين روحو خرجوهم من سيبار كافي اي مقهى الانترنت بالدراهم استمارة بطاقة التعريف وجواز السفر ب80 دج للملف يعني 160 دج في زوج واستمارة شهادة ميلاد رقم 12 راهم يبيعو فيها ب5دج وعيش يا الزوالي في الجزائر الغنية بثرواتها ولي فرانسا طمعت في هاذ الثروات وسال لعابها لنهبه ونحن ابناء هذا البلد الغني ونزيدو نحيو من جيوبنا ونعطولو والبيوميتري يخلصو الشعب الزوالي حاجة ماناش قادرين عليها منديروهاش والله يا خوتي غير الراس يحبس في هاذ البلاد رجع كلشي بالدورو ولي معندوش الدورو يروح يكتبولو شهادة الوفاة نتاعو وكي يروح بش يطلب شهادة الوفاة قبلل مايموت لازم يخلي 5دج تع استمارة شهادة الوفاة ولي يضلو يغنو في المجلش الشعبي الوطني راهم يدو 30 مليون ومهدروش على هاذ المشكل الله يعين كل مومن زوالي امين

بطاقات

موضوع يستحق الدراسة

للاسف هذا هو حال بلادنا كيما قلت
هوما يدو30مليون فالشهر و عايشين باطل يعني غير الهدايا و الرشوات لي يدوهم قادرين يعيشو بيهم بلاما يمس الشهرية نتاعو
والشعبي البسيط وين يروح يحك جيبو

الله يجعل الخير في بلادنا
مشكور على الموضوع

مشكور خويا على لفت انتباهنا لهاذي المشكلة العويصة مازالت حاجة وحدة مدارهوناش وهي انهم يقولولنا ترجعو تتنفسو بالدراهم ههههههههههه

شكرا عبدو انا عياتني لكاغت بسيف باش خدمولي الكواغط لانهم يغلطو بزاااااااااااااااااااااااااااف
ربي يهديهم

والشعب المسكين له دور ايضا فوش راه يسرالوا .
احد المرات كنت في اطار عمل في بلدية سي المحجوب وفي لقاء جمع الوالي بشعب قال لهم بصريح العبارة الي عند مشكل يقولوا مهما كان نوعو وزنوا .
واحد منطقش الى درجت انو رايس المجلس الشعبي الولائي علي بودين قالهم راه متهلي فيهم رئيس البلدية وشاف دايرة .
هل هذا هو الشعب المسكين لالا خاوتي هذا الشعب المغفل

هههههههه الكارطة انا معلباليش القديمة وراها حتى نحوس على الجديدة
رانا في عصر النوم وحداري ان يستيقض
الشعب الراقد